MARUBUTAN HAUSA [Hausa Writers Data base]

JIYA BA YAU BA

2011-03-10T06:20:00.002-09:00

A wannan hoto ana iya ganin shahararren marubucin Hausa na zamani Muhammad Lawan Barista (Hagu) da Mashahurin mawakin Hausa Aminuddeen Ladan Abubakar ALA (Dama) a wani taro da ANA Kano da hadin gwiwar Kano State Library Board suka shiryawa marubuta a 2003.

TUNA BAYA

2011-03-10T06:01:00.001-09:00

Allahu Akbar. Wannan hoton Marigayi Bashari Farouk Roukbah ne (hagu) da Marigayi Hadi Abdullahi Alkanci (dama) a shekarar 2003 lokacin da ANA Kano da hadin gwiwar Kano State Library Board suka shirya taron sanin makamar aiki ga marubutan Hausa.

MARUBUTA A AL’UMA

2010-11-02T12:48:00.000-08:00

Dk. Yusufu M Adamu
Shugaban ANA Reshen Jihar Kano.
Kasancewarta makala da aka gabatar a Taron Sanin Makamar Aiki na Marubutan Hausa na Kasa wanda Kungiyar Marubuta ta Nijeriya Reshen Jihar Kano da hadin gwiwar Hukumar Dakunan Karatu ta Jihar Kano suka shirya. Yuli 1st -2nd, 2004 a Dakin Karatu na Murtala Mohammed, Kano.

Wannan take da nake son yin Magana a kansa take ne mai ma’ana a taro irinb wannan saboda sa ran da ake yi zai nunawa marubuci ko marubuciya matsayinsa a cikin al’umar da Allah ya halicce shi. Take ne da ake san ran zai fadakar da marubuci ko marubuciya hakkoka da suka rataya a kansu da kuma manufar tasirin abubuwan da suke rubutawa.

Babu al’uma da za ta ci gaba matukar bat a da marubuta. Marubuta sun eke tattara tarihin al’umarsu su adana shi ta hanyar rayayyen adabi. Wasu daga cikinsu ana haihuwarsu ne da baiwar rubutu, wasu kuma kan same ta saboda kokarinsu da kuma dagewa. Duka wadannan rukunai na marubuta bas u iya yin rubutu har sai suna da baiwa ko sun samu baiwa. Amma duka za mu kira sun e marubuta.

Marubuta sun banbanta da sauran mutane ba wai domin sun fi sub a, sai don kawai Allah ya huwace musu wata hanya ta tunani wadda wanda ba marubuci ba, ba shi da ita. Marubuta na yin tunani ne na daban tare da kallon rayuwa da al’amuran da kan je su komo da wata fahimta ta daban. Su kan yi amfani da haruffa zuwa kalmomi da jimloli zuwa shararori domin bayyana tunaninsu wanda zai iya zama tamkar tafsiri ne na rayuwar da suka kalla suke aiki a kan ta.

Marubuci ya banbanta da masanin tarihi domin shi marubucin tarihi na bayyana hakikanin abubuwan da suka faru ne bayan ya tabbatar da afkuwarsu. Masanin tarihi kuma bay a maida hankali a kan kowa da kowa, face wadanada suka yi fice. Saboda haka hanyar da akan bi domin fahimtar yaya al’uma ta rayu a wani zamani shi net a yin nazarin kirkirarrun ayyuka da suka yi a zamaninsu. A nan marubucin zube ko wake ko wasan kwaikwayo kan rubuta wani abu da ya shafi mai mulki da talakansa, mai arziki da mara shi, kyakkyawa da mummuna, mai addini da mara shi, mai azama da malalaci, samari da ‘yan mata, tsofaffi da kananan yara, dabbobi da aljanu da dai sauransu. A cikin irin wadannan ayyuka na adabi ne za a iya fahimtar yadda wani ko wata suka rayu . Misal ga wani wake nan da wani Fir’auna ya rubuta na yabon Ubangiji fiye da shekaru 3000 da suke shude:

Ayyukanka suna da yawa matuka

Ya ubangiji tilo, babu wani tamkar sa

Kai ka hallici duniya yadda ka so

Da kai kadai ne tilo,

Duk mutum, duka dabbobi na gida da na dawa

Duk hallitta mai tafiya bisa dugaduganta

Duk abubuwan dake sama da halittu masu fiffike suna tashi

Kai ka halicci kasashe har da kasar Masar

Ka ajiye kowane mutum a wuri nasa daban

Al’umomi suna harsuna daban daban

Siffarsu ta jiki da launi sun banbanta

Domin ka banbance tsakaninsu.

Daga wannan wake na yabon Ubangiji za mu iya fahimtar yadda Misrawan Dauri a wancan lokaci suka fahimci Ubangiji da yadda tsarin addininsu yake. Ba wannan ne kawai misali ba, akwai misalai da dama da za a iya kawowa daga rubuce-rubucen al’umomi daban daban na duniya. Ko nan in muka dawo gida, za mug a cewa in mun karanta littatafan su Abubakar Imam muka hada su da na su Bashari Farouk Roukbah muka kuma karanta litattafan su Hafsatu AbdulWaheed da na su Ado Ahmad Gidan Dabino, za mu iya bada bayani akan yadda rayuwar Bahaushe ta sauya dangane da al/ada da kuma ma harshe. Idan kana nazarin harshe, babu yadda za a yi ka ga an yi amfani da wasu kalmomi ko an bas u wata ma’ana sai dai-dai zamanin da aka soma hakan. Misali in kana karanta Ruwan Bagaja za ka ga ana amfani ne da famai-famai in ana maganar kudi. Idan ka zo ka na karanta littafi na zamani za ka ga an yi amfani da wata kalma wadda a litattafan baya ba za a bata ma’anar da aka bat a a littafi na yau ba. Alal misali;

“Ka share ta kawai” ko

“Ta na ja masa aji”

Marubuci kan iya jawowa al’umarsa ci aba ko dakushewa kuma matukar ba a fahimci manufar marubuci ba, to ka jahilci fahimtarsa, sai dai kuma shi abu na adabi da zarar marubuci ya fito da shi ya zama mallakar duniya ba tasa ba. Wannan ya sa kowa zai iya fassara rubutu da iya tasa fahimtar wadda ba lallai net a zama ta dace da ainihin abinda shi marubucin ke nufi ba. Babu ja a wannan fuska. A wasu lokuta kuma akan yi dace wurin fadar ainihin manufar marubuci. Ta kowace hanya muka duba dai, rubutu na fita daga ma’anar da marubuci ya ba shi da zarar an fitar da shi. Wannan ya say a zama wajibi marubuci da ke yi wa al’umarsa rubutu ya yi kokarin yi ta yadda manufarsa a ta fito karara kuma a fahimce ita.

Shin wai wanene marubuci? Zai yi matukar wahala a bayyana a bayyane ma’anar ko wanene marubuci. Sai dai wannan ba zai hana mu jarraba bada ma’ana ga kalmar marubuci ba. A tawa fahimta wadda tsukakkiya ce ana iya cewa marubuci mutum wanda kan yi amafani da basirar da Allah ya ba shi ta hanyar kirkirar wani yanani na gasket ko na almara ko wani tunani ko fahimta ta domin gina wasu mutane ko ma’anoni domin isar da wani sako ga al’uma ta zamansa da wadda za ta zo bayansa. MArubuci kan tsara wanann sako nasa ta hanyar mai jan hankali da kuma dadin lafazi tare da cusa kwarewar harshe da yi masa adon da zai sa mai karatunsa ya kusanta da shi ya so shi ya kuma sa mai karatunsa ya rika jin kamar abin da yake karantawa hakika ne. Wannan yana faruwa ne saboda marubuci kan yi amfani da mutane da wurare da ta’adodi da harshe da fahimta irin ta mutanen da ake rubutu dominsu.

Marubuci kan iya yin rubutu domin dalilai masu dama ko wani hali da ya samu kansa ko dai wata manufa. Don haka, marubuci kan iya yin rubutu domin nishadantarwa ko ilmantarwa ko wayar da kai ko farfaganda ko zambo ko neman kudi ko neman suna ko tada zaune tsaye ko yada wata akida da ya yarda da ita ko gina wata manufa ko rusa ta ko domin tabbatar da al’uma a wani tabbataccen ra’ayi. Ko kuma ya yi rubutu wai don rubutu kawai. Marubuci kan yi iyaka kokarinsa wurin shawo kan mai karatu ya yadda ya amince ya kuma hakkake cewa wannan sako nasa gaskiya ne, amintacce ne kuma dauwamamme mai farin jinni.

Wannan ya say a zama wajibi ga al’uma ta dage ta yi tasiri mai kyau ga marubutan da ke cikinta domin yin tasiri ga tunaninsa ta yadda shi kuma zai sarrafa tunaninsa wurin yin rubuce-rubuce da za su dace da al’umarsa su kuma ciyar da ita gaba ba tare da an rika samun tangarda ba. Shi rubutu tamkar kashi ne ko amai, in ka ci zogala sai ka yi kashi bakikkirin in ka ci doya sai ka yi aman kura-kuran doya haka in wake ka ci.

Shi kuma marubuci ya zama lazim ya fahimci cewa zama marubuci al’amari ne babba domin kuwa yana tatatre da hakkoki da nauye-nauye. Na farko marubuci a kodayaushe kokari yake yi ya fahimci al’umarsa. Na biyu duk lokacin da yake tunani dole ne ya rika sanya tunaninsa da mutuntakarsa a ma’auni. A cikin rubutunsa zai iya zama na kwarai ya kuma zama baragurbi, ya zama namiji ya zama mace, ya zama yaro ya zama babbaa da dai sauransu. Wannan na faruwa ne aboda duk lokacin da ya so rubuta wani abu game da wani jinsi ko ajin mutane sai ya yi tunani irin nasu. Abu na uku ba zai san iya tasirin da rubutunsa zai yi ba bayan ya fito da shi. Wannan ya say a zama wajibi marubuci ya tabbatar da cewa al’uma ta tsira daga dafin alkalaminsa ta kuma amfana da rahamar tawwadar alkalaminsa. Duk abinda mutum zai rubuta ya yi tunanin irin tasirin da zai iya jawowa ga al’uma mai kyau ko mara kyau. Wannan ya say a zama dole marubuci musulmi ya yi fancakali da manufar nan ta cewa wai marubuci na da ‘yancin rubuta binda ya ga dama kuma ana yin rubutu ne kawai don rubutu. Ana yin rubutu ne da manufa, kuma ga marubuci musulmi dole ta zama manufa Islamiyya.

Marubuci kan iya zama tamkar dan liken asiri saboda dole sai ya yi bincike mai zurfi akan abinda yake rubutawa in dai har yana so ya rubuta adabi mai rai kuma ingantacce tabbatacce. Idan wani ya gamu da marubuci a wani wuri da yake ganin bai dace ba, zai iya zarginsa da batanci, amma ba lallai bane cewa batanci yaje yi, kila bincike ya je yi. Idan ka ga marubuci a mashaya ko gidan karuwai ko kuwa tare da ‘yan kwaya ko ‘yan daba, bincike na iya kai shi. Da zarar ya fahimci yadda rayuwar wadanda yake so ya yi rubutu a kansu in ya yi maka rubutu sai ka ranstse shi ma dan cikinsu ne. Idan muka karanta littafin Bala Anas Babinlata Sara da Sassaka sai mu rantse Bala ya zauna a Afirka ta Kudu. In ka karanta Karshen Alewa na Marigayi Bature Gagare sai ka ranste tsohon dan tawaye ne, haka in ka karanta ‘Yar Tsana na Ibrahim Sheme sai ka rantse tsohon dan dandi ne. Bincike ne ya bas u wannan dama.

Ta yaya basirar kirkira marubuciya ko marubuciya ke zuwa? Basirar marubuci kan z one ta hanyoyi da dama. Wasu daga zurfin tunani wasu daga karanta ko ganin wani abu wasu kuma daga faruwar wani abu. Ko dai yaya basirar ke zuwa tana samo tushe ne daga al’amuran dan adam na yau da gobe. Gina labarin ko wasan kwaikwayo ko wake kuma kan samu net a hanyar tattara manufar jigon wuri guda tamkar yadda mai zane zanen gine-gine kan yi dan karami. Wasu tun farko su kan san inda labarinsu ko wakensu ya nufa, wasu kuma sai a hankali suke gina shi ta hanyar ba shi kansa labarin dama ya sauya ta yadda al’amura suka kasance. Misali lokacin da na yi tunanin rubuta Idan So Cuta Ne, tun farko na san yadda zan gina labarin da yadda zai kare. Labari ne na wani saurayi da wata budurwa da suka so junansu matukar so amma ba za su yi aure ba, sai dai diyansu za su yi aure. Wannan shine dunkulalliyar manufar Idan So Cuta Ne amma warware jigon ya dauki lokaci. Na dauki lokaci ina ta gina labarin a a kaina ina rubuta wasu abubuwa ina Tarawa. Na dauki lokacin wurin tunanin a wadanne garuruwa zan gina labarin? Su wa da w azan sa a labarin? Wadanne sunaye ne za su dace da kowane tauraro, babba da karami? Yaya ta’ada da salon maganar kowane daga cikinsu za ta kasance da sauransu. Bayan duk na gama wannan aiki na zauna cikin mako guda na rubuta Idan So Cuta Ne.

Wannan ya kawo mu maganar lokacin yin rubutu. Da wane lokaci ake yin rubutu kuma tsawon wane lokaci ya kamata marubuci ya kamata ya dauka kafin y agama wani aji na rubuitu? Ta wannan fuska babu amsa guda daya. Lokacin yin rubutu ya dangantaka ya kuma bambanta daga marubuci zuwa marubuci. Wani kan yi rubutu duk lokacin da ya ga dama, wani sai rubutun ya zo masa don kansa wani kuma kan fara rubutu daga ganin faruwar wani abu ko kuma wani abu ya harzuko shi. Amma dangane da lokaci na rana ko dare, kowane marubuci na da lokacin da yake rubutu. Wasu kuma kan yin me kawai duk lokacin da abin ya zo musu. Dangane da tsawon lokacin da ya kamata a dauka kuwa shi ma ya bambanta da abubuwa da dama. Na farko kaifn basirar marubuci da kwarewarsa. Na biyu sanin abinda zai yi rubutu a kai ciki da waje. Na uku mutuntakarsa, kodai ta zumudi ce ko jirgin dankaro ko kuma madaidaiciya.

A nan ya kamata in yi kira ga al’umarmu da bat a dauki marubuta da muhimanci da da su sauya ra’ayi. A karshe zan iya cewa dan abinda na iya kalatowa kalilan ne daga kalilan dangane da taken wannan makala sai a yi hakuri. Amma zan rufe da tunatar da mu cewa rubutu tamkar shuka ce wanda in hart a girma za ta baka inuwa kuma ka ci ‘ya’yanta. Yana kuma iya zama tamkar dan kunama ko abinda Hausawa ke kira “kaikayi koma kan mashekiya. Rubutu rayyayyen al’amari ne wanda kan wanzu matukar wanzuwar duniya.

Assalamu Alaikum.

FAUZIYYA D. SULAIMAN

2010-03-31T14:37:00.002-08:00

Fauziyya D. Sulaiman wadda aka fi sani da Matar Bello Q far Q an haife ta a unguwar Fagge a Shekarar 1981 ta yi karatuna na Firamare a Makarantar Festival Primary School, daga nan wuce makarantar ‘yammata ta kwana Government Girls Secondary School ‘Yar gaya a shekara ta 1993, bayan ta kammala karatunta na Jiniya ta koma Makarantar Government Girls College Dala ta karasa karatunta daga 1995 zuwa 1998. Daga nan ta yi aure a shekara ta 1999. A shekara ta 2003 ta koma karatu a Makarantar College of Health Sciences, School of Hygiene in da ta yi Diploma a kan Assistant Nutritionist. Daga nan ta yi Certificate a Makarantar School of Management, akan Hotel and Catering Services.

A game da rubutu kuwa ta fara rubuta littafi a shekarar 2002, in da littafi na farko mai suna Me na yi mata?. Daga nan ta ci gaba da rubuta littafi da suka hada da:

Kishin Banza
Guduna Ake yi
Rayuwar ‘Ya Mace
Mece ce Rayuwa
Burin Raina
Karshen Wahala
Labarin Zuciya
Matsalar Mace
Mijin Uwa
Auren Kudi
Duk Abinda Namiji Ya yi

Fauziyya mamba ce a Kungiyar Marubuta ta Najeriya reshen jihar Kano kuma tana rike da mukamin jami’a a majalisar gudanarwa ta Kungiyar tun watan Maris na 2009 har zuwa 2010. Daga nan aka sake zabenta a dai wannan mukami daga watan Maris na 2010 har zuwa watan Maris na 2012 insha Allahu.

FATIMA UBA ADAMU (ZAHRA)

2010-02-24T01:29:00.003-09:00

An haifi Fatima Uba Adamu a Kano. Ta yi karatun Firamare a Tarauni Special Primary School daga 1988-1994, ta yi Sakandare a Makarantar Sakandaren 'Yanmata ta Kabo daga 1996-2001. Daga 2002 zuwa 2006 ta yi digirinta na farko a fannin Hausa, a halin yanzu tana digirinta na biyu tare da kwarewa a fannin Adabin Hausa. Ta kuma yi difiloma a fannin kwamfyuta. Ta dan taba aiki da jaridar Daily Trust kafin ta koma karatunta na digiri na biyu. Littafinta na farko shi ne Kaddara Da Zabi.

Marubutan Hausa a Yamai

2010-02-04T13:46:00.002-09:00

Wannan hoton Dr Yusuf Adamu ne (dama) da Ado Ahmad Gidan dabino (Hagu) suka yi shigar buzaye a lokacin da suka kai ziyara Yamai da marubutan Hausa na Nijeriya.

FARFESA IBRAHIM MALUMFASHI

2010-02-04T13:36:00.002-09:00

Farfesa Ibrahim Malumfashin na daga cikin fitattu kuma Zakakuran manazartan Adabin Hausa.

TA'AZIYYAR HADI ABDULLAHI ALKANCI

2009-10-19T12:04:00.005-08:00

Hagu zuwa dama: Danjuma Katsina, Hadi Alkanci, Yusuf Adamu a wani taro a Kano

Allah ya yi wa Marubuci Hadi Abdullahi Alkanci rasuwa ranar Litinin 12 ga Oktoba 2009 a Sakkwato bayan ya sha fama da rashin lafiya. Rasuwar Alkanci babban rashi ne ga marubuta da manazarta da ma al'umar Nijeriya. Allah ya jikansa da gafara ya kuma albarkaci bayansa.
Bayan sanarwar da na yi a dandalin marubuta kamar haka:

Salam,Ina bakin cikin sanar da ýan uwa cewa Allah ya yi wa Hadi Abdullahi Alkanci rasuwa jya da yamma a Sakkwato, ya yi fama da rashin lafiya wajen watannin uku, mun yi rashi babba, muna kuma rokon Allah ya gafarta masa ya kuma jikansa da rahma amin. Muna rokon yan uwa su yi masa addu'a koyaushe, ga dan takaitaccen tarihinsa nan a wannan rariyar likau
http:// marubutanhau sa.blogspot. com/2008/ 09/hadi-abdullah i-alkanci. html

Allah ya gafarta masa ya kuma sa mu ma mu cika da imani amin. Dr Yusuf Adamu

Mun samu sakwannin taáziyya da dama, ga kalilan daga cikinsu a kasa:

Ado Ahmad Gidan Dabino
ALLAH AKBAR, Allah ya ji kan Hadi Abdullahi Alkanci. Marubucin Soyayya Ta Fi Kudi (littafin wasan kwaikwayo) da Harsashin Kasa da Shin So Gaskiya Ne? da sauran su. Babu shakka mun yi babban rashi a fagen marubuta, haziki gwarzo a fagen fasaha ya tafi.

Ba zan manta da haduwa ta ta karshe da Hadi ba a lokacin da ya zo Kano wajen bikin kaddamar da littattafan Bashir Othman Tofa, yana cikin mutanen hudu da na yi hira da su a ciki shirin da nake gabatarwa a gidan rediyo FREEDOM mai suna Alkalami Ya Fi Takobi, mutane sun yaba da ire-iren bayanan da ya yi sosai, kuma in yana magana lallai ka san cikakken mutumin Sokoto ne, mai iya karin magana da dabarun zance.Lokacin da na ji labarin rasuwarsa ta hanyar SMS daga Yusuf Adamu ina jihar Lagos, ba shakka na kadu sosai da ganin wannan sakon.

ALLAHU AKBAR! ALLAHU !! AKBAR!!! Allah ka rahamshe shi, ka sa ya huta, mu kuma Allah ya kyauta tamu in ta zo. Allah ka sa gidan Aljanna ce makomarmu baki daya. Amin!!! Ina mika sakon gaisuwa ga dukkanin 'yan'uwa da abokan arziki da dukkan Sakkwatawa.

***

JAMILU NAFSENCIBIYAR LAFAZIN HAUSA
INNA LILLAHI WA INNA ILAIHIRRAJI' UN....Aduk sa'ilin da muka ji wannan kalma tuni take mana nuni da wani gagarumin abu ne ya auku.hakanne yasa nima ina samun wannan rashin jangwarzo mai bada gudunmawa musamman aharkar wasanni, abunda na iya furtawa kenan tare da tawassali da cewa muma tamu tananan zuwa. sai dai muce ubangiji ya kai rahma agareshi. mu kuma Allah yasa mu cika da imani, amin.

*****
Mamane Sahabi Ousmane Alias M.SONiamey Niger
Allahu akbar haka ne, Allah yaji kanshikuma ya sa, ya huta.abida ya bari Allah yabasu hakurida masoya da kuma yan uwa. mu kuma da muka rage in tamu ta zoAllah ya sa, mugama da iskan duniya lafiya Amin.ita rayuwa haka take, kowa lokacin shi, zai jira.ba'a gaggauta wa kowa, kuma ba'a jinkirta wa kowa. kulli nafsi za'ikatil mautko wace rai! sai ta dan-dana mutuwa.gaba dayan mu, muci gaba da yi wa junan mu, addu'a.intamu ta zo, Allah ya sa mucika da kalmar La'ilaha illallah Muhammadu Rasulullah.

******

Sarkin yan Nijar,
Atta Oumaten إنا لله وانا اليه راجعون منهـا خلقناكم وفيهـا وعيدكم ومنهـا نخرجكم تارةاخرى
Dawannan nake meka tsakon ta'aziyar daukacin yan Nijar dake cikin wadannan zauruka, ga iyalai da abokan arziki na wannan ba wan Allah, allah yasa ya huta mu kuma idan tamu tazo Allah yasa mucika da imani.
***
Uba Dan Zainab
Allah yayimasa rahama yasada shi da annabi sallalahu alaihi wasallamzuriyarsa kuma Allah yashiga lamuransu yasakasu bin surad'al mustaqeem.

****
Ahmad Yahuza Getso (B.A. MIAD, MPPA, HPDCS)
Allah ya gafarta masa ya kyautata tamu.
***
Muhammad Muhammad
Allah ya gafarta masa, mu kuma Allah ya kyauta karshen mu.
***
Isa Muhammad Inuwa
Allah Ya jikan Babban Marubuci Hadi Alkanci, Ya sa mutuwa hutu, Ya kyauta namu zuwan, Ya sa mu je a sa'a. Amin!

****
Muhammad Mansoor
Allah ya sa ya huta amin suma amin.
****
Ibrahim Sheme
Allah Ya jikanshi, ya yi masa rahama. Allahu Akbar! One of the last Titans of Classic Hausa Literature. Wallahi mun yi rashi.
****
Bala Muhammad (A Daidaita Sahu)
Innalillahi Wa inna Ilaihir Raji'un. Allah ya jikansa ya gafarta masa. In tamu ta zo Allah ya sa mu cika da imani, amin.

****
Aisha Zakari
Allah ya jikansa ya gafarta masa, lallai kam mun yi babban rashi.
****
Dr Wale Okediran (ANA President)
May his soul rest in perfect peace, amin.

***

Danjuma Katsina

A gaskiya mun yi rashi babba, Allah ka jikan wannan bawa naka ka gafarta masa amin.

***

Alhaji Kabiru Katsina

Allah ya gafarta masa, mun yi rashin jagora a rubutu.

***

Dr. Aliya Adamu

Allah ya Jikansa ya gafarta masa amin.

NASIRU G AHMAD YANAWAKI

2009-10-19T12:00:00.001-08:00

An haifi Nasiru G. Ahamd a unguwar ‘Yan Awaki cikin Birnin Kano, ran 6 ga Safar, 1384, BH. (4/2/1964). Bayan karatun Alkur’ani, ya yi makarantar Firamare Islamiyya ta ‘Yan Awaki, daga 1975-1981. Ya wuce zuwa makarantar Nazarin Addinin Musulunci mai zurfi ta Shahuci (1981-1985). Sai Makarantar Nazarin Shari’ar Musulunci ta Aminu Kano, (1986-1989) inda ya samu diploma a Harsunan Hausa da Larabci da Nazarin Addinin Musulunci. Daga (1993-1996), ya je Jami’ar Usmanu Dan Fodiyo ta Sakkwato, inda ya samu digirin farko a harshen Hausa.
A shekarar 1984, ya halarci ajin koyon buga keken rubutu (Typewriting) da ke karkashin Hukumar Yada Ilimin Manya ta Kano, a 1992, ya halarci wani kwas da Jami’ar Musulunci ta Madina ke shiryawa, don horar da malaman Arabiyya da addinin Musulunci, a Jami’ar Bayero ta Kano. A 1992 din dai, ya je wani kwas na addinin Musulunci, a garin Idah, cikin jihar Kogi. A 1999, ya yi wani kwas na karatun gida, karkashin “Sincere Writers Club”, inda ya samu takardar shaida (certificate) kan aikin jarida.
A 1991, ya je jihar “Cross Rivers” inda ya yi aikin jami’i mai duba Malaman Kidaya (Supervisor). Ya koyi sarrafa na’ura mai kwakwalwa a aikace, (Practical) a “Urgent Computers” inda ya taba yin aiki. Yana cikin masu duba wakar Hausa, ta jarrabawar ‘W.A.E.C.’ Wakili ne na jaridar “People And Events”. Editan littattafai ne mai zaman kansa. Ya yi aikin koyarwa a makarantu da dama, (Firamare da Sakandare) tun daga 1984 zuwa yanzu. Yana da sha’awar ziyarce-ziyarce da kulla abota, da karance-karance a kowane fannin ilimi da rayuwa. Ya rubuta litattafai da dama, da wakoki jingim. Nasiru kuma na cikin Sahún gaba na ‎ ‘yan Kungiyar Marubuta ta Nijeriya (ANA) reshen jira Kano. A halin yanzu yana karatun digirinsa na biyu a Jamiár Ahmadu Bello (ABU) Zaria.

MUHAMMAD USMAN

2009-06-22T13:18:00.003-08:00

Muhammad Usman wanda kuma aka sani da Sunusi Shehu Daneji na daya daga cikin turakun da su assassan adabin Hausa na zamani. Marubuci, mai dab'i kuma mai wallafa mujallar Hausa. Marubuci ne wanda ya ci gaba da bada jagora ga marubutan Hausa na zamani tare da kokarin samar da adabi mai tarbiyya. Yana rubuce-rubuce na tarbiyya da kimiyyar sararin samaniya da sauransu. Cikin litattafansa akwai:

Bankwana da Masoyi

Yaron Kirki

Madubin Imani

HAFSATU AHMAD ABDULWAHID

2009-06-22T12:53:00.003-08:00

An haifi Hajiya Hafsatu a Birnin Kano. Ta yi karatunta na boko a Kano kafin ta yi aure ta koma Gusau da zama. Fitacciyar marubuciyar Hausa ce wadda littafinta na So Aljannar Duniya shi ne littafin zube na farko da mace ta rubuta a harshen Hausa. Ta wallafa 'Yardubu Mai Tambotsai da kuma Saba Dan Sababi. Tana kuma rubutu da turanci da kuma fillanci. Marubuciya ce wadda ke da kishin rubutu ta kan kuma halarci tarurrukan marubutan Hausa da na Nijeriya. Bayan rubutu takan taba siyasa don ta taba takarar Gwamna a jihar Zamfara.

BASHIR OTHMAN TOFA

2009-06-14T12:54:00.003-08:00

Fitaccen dan siyasa kuma hamshakin dan kasuwa wanda kuma ya yanke shawarar yin amfani da basirar da Allah ya yi masa ya zama marubuci. Bashir Tofa ya yi rubuce-rubuce da harshen Hausa bisa zabin ciyar da harshen gaba. Ya wallafa litattafan Hausa da dama wadanda suka hada da na kirkira da kuma na ilmi. Cikin litattafansa da suka fito sun hada da:

Amarzadan a Birnin Aljanu
Amarzadan da Zoben Farsiyas
Kimiyyar Sararin Samaniya
Tunaninka Kamanninka
Kimiyya da Al'ajaban Al-Qur'ani
Gajerun Labarai
Mu Sha Dariya
Rayuwa Bayan Mutuwa

BINTA RABIÚ SIPIKIN

2009-06-13T15:19:00.002-08:00

(Za mu kawo bayanai a kanta bada jimawa ba)

UMMA SULAIMAN 'YAN AWAKI

2009-06-13T15:15:00.003-08:00

Fitacciyar marubuciyar Hausa Umma Sulaiman 'Yan Awaki... (za mu kawo bayanan nan gaba kadan)

UMMA ADAMU

2009-06-13T14:57:00.003-08:00

An haifi Umma Adamu ranar 15th ga Oktoba 1981 a Gwarzo, duk da cewa ita 'yar asalin Hadejia ce. Ta yi karatun Firamare a Kanti Primary School Kazaure daga 1987-2003. Ta kuma yi karatun

Sakandare a Malam Madori da Sakandaren Kimiyya ta Taura inda ta gama a 1999. Ta ci gaba da karatu daga 2000 a School of Health Technology Jahun da Informatics Institute Kazaure da kuma Jigawa State College of Education har zuwa 2006. A halin yanzu (2009) tana karatu ne a Kano State University of Science and Technology Wudil. Cikin litattafan da ta buga sun hada da:

1. Raino, 2. Rigakafi 3. Sirrinus ko Sirrimu 4. Wahayi 5. Zaman Jira 6. Ya Zalince ni 7. Sabanin Ra'ayi 8. Abu a Duhu.

Tana sha'awar koyarwa da kallon fina-finai da tafiye-tafiye da koyarwa da kuma rubuta kirkirarrun labaru.

HIRA DA YARON MALAM

2009-05-20T06:11:00.002-08:00

Daga Maje El-Hajeej <sirrinsu@yahoo. com>

Nine Bajakaden Abubakar Imam. Cewar Yaron Malam. Tun lokaci da shahararren marubucin da a yau duniyar hausawa ke girmamawa a matsayin kakan marubuta ya amsa kira zuwa ga mahaliccinsa, manazarta suka dukufa domin zurfafa nazarin gano ko wanene zai gaji shi marigayin, tare da rike alkalaminsa ga ci gaba da assasa yanayi da kuma salonsa na imamantar da labari zuwa yadda zai dace da Hausawa da kuma al’adunsu. Musamman ma ko domin dinbim amfanin da a yau littattafansa ke dasu ga dalibai sakamakon sanya su da ake yi a manhajar karatu, da kuma zama tushe da suke yi na fara koyon karatu ga mafi yawancin garuruwan Hausawa.

Duk da dai wannan bakin gumurzu ne, wanda sai an samu sadauki mai akwatin siddabaru, ko kuma yakau dan mayakiya da zasu ja tunga, su kuma yi shahada, sannan su fara fafatawa suyi gumu gami da artabu tamkar a tsibirin Bamuda da yahudu badda musumi. Domin ba aiki ne na mata ba, ballantana gimbiya Assadatu ko Bajakadiya ko kuma Mayakiya suyi hargagagin farawa. Amma Abdullahi Mukhtar da ake yiwa lakabi da Yaron Malam, ya sanya sulke tare da daura damarar karbar wannan garkuwa ta Imam kamar yadda ya bayyanawa wakilinmu Maje El-Hajeej Hotoro.

(An yi wannan tattaunawa da shine a watan Janairun 2007)

Zamu fara da jin tarihinka. Sunana Abdullahi Mukhtar Yaron Malam, an kuma haife ni a 1976 a unguwar Fagge dake karamar hukumar Fagge Kano. Na kuma yi karatun firamare na a Fagge Special daga 1984 zuwa 1988. Inda na karasa karatun firamarena a Gama Sabuwa saboda komawa can da muka yi. Dagan nan kuma ban samu damar ci gaba da karatuna ba, sai aka kaini makarantar allo a garin Hadeja. Wacce ban dade ba aka dawo dani, sakamakon rashin lafiya da na yi, inda na ci gaba da karatun allo. Kafin daga baya na shiga makarantar koyom larabci ta Aliyu Bn Abu Thalib, wacce daga baya aka mayar da ita Umar Bn Khattab dake Gyadi-gyadI a nan Kano daga 1994 zuwa 1999. Lokaci guda kuma ina mai ci gaba da halartar karatun azure. Na sake shiga makarantar koyon larabci ta Rasulul Akram, bayan na kamala na tafi Irshadul Umma Islamic College ta Shahuci da ake kira da Aliya daga 2001 zuwa 2004. Wanda a halin yanzu ina jami’ar Bayero, inda nake karanta aikin jarida. Tare da dan hadawa da kasuwanci.

Shin ko a wacce shekara ka fara rubutu, kuma ko menene ya dauki hankalinka har ka shigo fagen?
Alal hakika zan iya cewa tun farko na taso ne da sha’awar rubuce-rubuce, domin tun ina firamare na kan dauki takarda nayi ta kwafar littafin Baba da Inna da kuma Iliya dan mai karfi a cikin littattafan makaranta na. Sannan kuma ni dama makaranci ne na littattafan labaran Larabci da Hausa. Kamar irinsu Magana Jar ice, Yawon Duniyar Haji Baba, Labaran Da da na Yanzu, da sauransu. Domin ko a lokacin da na ke makarantar Allo, ragowar ’yan uwana almajirai kan zagaye ni na rika basu labarin wani littafi dana karanta. Na fara fitar da littafina na farko ne a 1999 wanda na addini ne mai suna Hukunce-hukuncen Azumi da Addu’o’in Watan Ramadan. Sai kuma Hukunce-hukuncen Jinin Haila, amma ban fitar dashi ba, sai bayan da na fitar da littafina mai suna kissoshin Ahlul Baiti. Dagan an kuma sai na fitar da Bajakade da kuma sirrin aure da ma’aurata, wadanda sune litattafan da suka zama sanadiyyar aka anni a duniyar marubuta.

A halin yanzu ko littattafanka sun kai nawa?
Zuwa yanzu na samu nasarar rubuta littattafai da dama kamar, Bajakade, Mayakiya, Bakin gumurzu, Gimbiya Assadatu, Artabu, Fafatawa, Gumu, Tsiburin Bamuda, Sadauki mai akwatin siddabaru, Tunga, Shahada, Bajakadiya, ‘Yar mai ganye, Yakau dan mayakiya da kuma Yahudu badda Musulmi da kuma na addini da dama.

Ko da wane irin salo kake amfani a rubutunka?.
Salon rubutuna sune salon jarumta, abin dariya, soyayya da kuma hikimar Magana. Jigo kuma shine karfafa akidar addinin musulunci, tsayar da adalci da kuma kyautata zamantakewa tsakanin al’ummar musulmi da kuma wadanda ba musulmi ba.

Mafi yawancin irn wadannan littattafai da suke dauke da abubuwan da ka rubuta akan samu fassarowa ake daga wasu littattafai, shin naka ma fassara ne ko kuma kirkirowa kake yi?
Maganar gaskiya ina kirkirar labari na ne, kuma mafi yawanci duk wanda ya dauko wani littafi ya fassara, sai an samu wasu sun daga sun ce ga daga inda ya fassaro. Amma ni babu wanda zai daga littattafaina yace ga daga inda na fassaro. Sai dai ina karance-karance kamar yadda na fada domin kaifafa basirar da Allah Ya yi min, wanda dama ita baiwa ce, amma ilimi, bincike da kuma tambaya akan abin day a shigewa mutum duhu, sune abincin basira. Sannan juya ilimi daga wani harshen zuwa wani ba laifi bane, matukar anyi hakan ta halattacciyar hanya ba satar fasaha ba.

Ko me zaka iya cewa dangane da kalaman Dakta Malumfashi da kuma na Farfesa Abdallah da suka bayyana cewa nan gaba zaka iya gadar Marigayi Abubakar Imam a fagen rubutu?
Wannan ba a bin mamaki bane idan aka yi la’akari da yanayi da kuma salonsa na ban dariya da dabarun zaman duniya da kuma hikimar Magana. Kana kuma yana gina labarin san e akan sigar zamanin da, sannan wani lokaci yak an jefa soyayya. To idan akayi la’akari da yanayin rubuce-rubucena salon da nake bi kenan. Kumai an matukar samun karfafawa akan wannan salon rubutu nawa, domin farfesa Abdallah yak an kira ni da sabon Abubakar Imam. Sannan musamman ya zaunar dani ya bani labarin dabarun da marigayin ke bi a rubutunsa. Sannan akwai Malam B.K Zariya wanda sunyi zamani da Marigayi Imam, shima takanas yakan kirani ya zaunar dani ya sanar dani tarihin yadda rayuwar Abubakar Imam ta kasance, harma yakan kirani da marigayi Imam.

Shin ko akwai wata kyauta da makarantanka suka taba yi maka wacce ba zaka taba mantawa da ita ba?.
Akwai wata a Bauchi da ta taba yi min kyautar Alqur’ani mai girma, wacce a gaskiya bazan manta da wannan kyautar ba. Sannan kuma masoya daga wurare daban-daban, suna yi min fatan alheri wanda wannan ma babbar kyauta ce, dab a zan manta da ita ba.

Ko a wane irin yanayi ka fi son yin rubutu?
Ina yin rubutu a kowane irin yanayi, amma nafi jin dadin yanayin bayan sallar asuba. Amma a yanzu na dauki wani salo nana yin rubutu a bakin ruwa, ko cikin daji mai bishiyu da kuma ciyayi, ko wajen gari kamar yadda Abubakar Imam ya yi.

Ko shin a matsayinka na dan kasuwa yaya kake hada harkar rubutu da kuma kasuwanci lokaci guda?.
Ai shi rubutu baya hana marubuci yi wasu abubuwan yau da kullum. Misali idan ka dauki marigayi Imam malamin malakaranta ne kuma marubuci lokaci guda. Sannan daga bisani ya zama Editan wata jarida, wanda a wannan lokacin babban aiki ne saboda karancin kayan aiki. Haka ma a yau zaka samu marubuta suna kuma wasu abubuwa na daban, ciki hard a sojoji da ‘yan sanda da sauran ayyukan gwamnati ko kuma na kamfani kuma wannan baya hana su rubutu.

Da kayi maganar kasuwanci sai ka tuno da korafin da wasu marubuta ke yi na matsalar ‘yan kasuwa, wajen rashin sakar musu kudadensu da wuri bayan an sayar da kayansu.?
Lallai kam wannan matsala ce da muka dade muna kuka da ita, amma yanzu alhamduLillahi al’amura sun fara kyautata, domin zaka samu mud a kanmu marubutan muna yabon wasu ‘yan kasuwar da kokarin bayar da kudI akan kari. Su kuma wadanda ake samun jinkirin sun dauki alwashin magance hakan. Sannan kuma kungiyar masu littattafai da kuma ‘yan kasuwa, suna aiki tukuru wajen ganin ta magance wannan matsala. Mu kara hakuri nan ba jimawa ba, komai zai zama tarihi Insha Allahu.

Kwanakin baya kungiyar marubuta ta kasa reshen jihar Kano (ANA) ta jagoranci marubutan Hausa wata tafiya zuwa kasar Nijar. Kasancewar kana cikin shugabannin wannan kungiya, ko wadanne matsaloli da kuma nasarori kuka samu yayin wannan tafiya.?
Makasudin wannan tafiya shine ziyara da kuma taron karawa juna sani tsakanin marubutan Nijeriya da kuma na waccan kasa. Kana kuma da yin bincike akan yanayin zamantakewa da al’adunsu domin samun karin gogewa ga marubutanmu na nan. Matsala kadai da muka samu ita ce ta motarmu da ta lalace, wanda hakan ya tilasta mana yin amfani da guzurinmu domin kara hayar wata motar da ta karasa dam u can. Mun kuma samu nasarori sosai musamman ma na karawa juna sani, sannan ga kuma ziyarar muhimman wurare da muka yi, sun kuma karrama mu sosai domin hidimomi da suka yi man na tsaro da kuma makwanci. Sannan kuma mun fa’idantu matuka gaya , basirarmu ta kara fadada, wanda dama masu hikima sunce tafiya mabudin ilimi.

TA'AZIYYAR YARON MALAM

2009-05-20T05:50:00.004-08:00

Allah ya yi wa Abdullahi Muktar Yaron Malam rasuwa ranar Lahadi 17 ga Mayu 2009 da misalin sha biyu na rana, a dakin Karatu na Muratala Muhammad dake birnin Kano. Ya rasu ya bar mata daya da diya uku. Fitaccen marubuci, shugaban Brigade Authors Forum (BAF) kuma jami'i a Kungiyar Marubuta ta Nigeria (ANA) reshen Jihar Kano, Yaron Malam marubuci ne ingarma wanda ya bada muhimmiyar gudunmuwa wurin ci gaban adabin Hausa. Yaron Malam kuma mawallafi ne kuma mai sayar da littattafai. Mun yi babban rashi. Allah ya jikan Yaron Malam ya gafarta masa amin.

Dr Yusuf M Adamu
Shugaban ANA Kano

Dannan wannan rariyar likau don karanta takaitaccen tarihin Abdullahi Muktar Yaron Malam: http://marubutanhausa.blogspot.com/2009/02/abdullahi-mukhtar-yaron-malam.html

KABIRU YUSUF ANKA

2009-05-02T13:31:00.003-08:00

A wata na karshen shekarar Milladiya ta 1979 aka haifi Kabiru Yusuf Anka a ranar Litinin 1 ga watan Disamba, 1979, a lissafi yanzu yana da shekaru 29 kenan a raye a duniya.
Haka nan ya fara da karatun Alkur'ani a bangaren ilimin Arabiyya kenan wanda idan aka hada da makarantar Islamiyya ta Sabilul Rashad da ke Gyadi-gyadi da Mukhtariyya Islamiyya da ke Fagge da kuma Thimarul Qur'an (bangaren dare) ya sami saukar Kur'ani da sauran tarin littattafan Fiqh, Sirah, Nahwu, Tajwid, Hadis da sauransu.
Ya yi karatun Firamare a Kurna Special Primary School, dake kan titin Katsina daga nan sai ya wuce karamar sakandire ta JSS Kurna, da kuma makarantar GTC K/Nassarawa. Bayan kammalawa ya wuce School of Technology, Kano inda ya sami shaidar satifiket a bangaren Electrical Electronic. Ya kuma wuce Jami'ar Bayero ya sami shaidar Diploma a bangaren aikin jarida (Mass Communication)
Sha'awar sauya layi a karatu ya sa ya koma makarantar sakandire ta Kwakwaci inda ya yi jarrabawar NECO a 2006.
Ya samu shaidar karatun Diploma a bangaren na'ura mai kwakwalwa (Computer) a makarantu biyu: Online Computer da kuma Hands-On Computer Institute inda ya karanci (Desktop Publishing da Data Processing and Maintainence)
Kabiru ya kware a wajen sarrafa na'ura mai kwakwalwa musamman a bangaren zane da bugu (design graphics and typing) wanda har shaidar satifiket ya samu a Mavis Beacon Typing Institute a May 5, 2003 da maki 92% (accuracy)
Haka nan ya buga littattafai, jaridu da mujallu masu yawa a bugun kwamfiyuta, ya kuma tsara shafukan mujallu da jaridu da kuma tsara bangwayen littattafai da yawa.
Marubucin yana da sha'awar aikin jarida da rubuce-rubucen jarida, don haka ya yi aiki a jaridu kamar haka:-
Wakiliya -(mujallar Marubuta) - a matsayin mataimakin Edita.
Inuwar Marubuta -(mujallar Marubuta) - marubuci na musamman
Suda -(mujallar 'yan fim) - marubuci
Kwallon Kafa -(mujallar labarun wasanni) -mataimakin Edita.
Muryar 'Yanci -(jaridar labaran karamar hukumar Fagge) -Edita
Masoya -(mujallar Labaran rayuwa da soyayya) - Edita
Kakaki -(mujallar kare ra'ayin karamar hukumar Fagge) -Edita
Haka ya yi rubuce-rubuce da dama a jaridu da mujallu na kasar nan.
A bangaren kungiyoyin marubuta, Kabiru yana cikin wadannan kungiyoyi:-
Hausa Authors Forum (HAF) -Mataimakin Shugaba
Association of Nigerian Authors (ANA) Kano - a matsayin sakataren yada labarai na bangaren Hausa (P.R.O. Hausa)
Shugaban Gimbiya Publishers.
Kabiru ya fara rubuce-rubucen sa tun yana makarantar Firamare aji na hudu, inda shi ne mataimakin shugaban aji, kuma shi ke karanta littattafan Hausa, kamar irin su Magana Jari Ce da sauransu. Wasu daga cikin littattafan da ya wallafa da sunan shi Kabiru Yusuf Anka sune:-
1. Karfin Hali...
2. Shure-shure...
3. Ninkaya
4. Alwashi
5. Bilkisu
6. Firgita Samari...
7. Rayya
8. 'Yan mata...
9. Kushewar Badi...
10. Salo
11. Hadarin Kaka (a daidaita sahu)
12. Launin So
13. Mataye
14. Rauni
15. Rayayye
16. Dansanda..
A bangaren Turanci ya wallafa:-
1. Standard Dictionary/Teach-yourself *
2. Successful Dictionary/Teach-yourself *
3. An Essential Way of Learning English *
4. Learning English
5. My Pen and Others Stories
*ma'ana da hadin gwiwar wani suka wallafa
Haka nan ya wallafa wasu littattafan da sunan Muhammad Matashi Fagge kamar:-
1. Kalmar So
2. Sakon Masoya
3. Dandalin Soyayya
4. Wasikun Soyayya
5. Dan Soyayya
6. Sarkin Tsari
7. Mallaka
8. Littafin So
9. Birnin Soyayya
A yanzu haka yana da aure da 'ya daya mai suna Ummi. Yana da sha'awar ba da umarni a finafinan Hausa, da sha'awar wasan kwallon kafa. Kuma yana kokarin wucewa karatun digirinsa a kasar waje.

ABDULLAHI MUKHTAR (YARON MALAM)

2009-02-22T05:13:00.003-09:00

An haife shi ranar 1/6/76 a unguwar Fagge. Ya yi makarantar Fagge Special Primary School Ibrahim Taiwo Road. Daga nan suka koma Birged da zama inda ya karasa firamare a Birged Special primary School. Ya shiga Aliyu Bn Abu Talib School daga 1991-1996. Daga nan ya koma makarantar zaure don ci gaba da karatun addini zuwa 2005. A 2005 ne ya yi karatun Professional Diploma a BUK.

Litattafansa na Hausa sun hada da:

Bajakade

Mayakiya

Bakin Gumurzu

Gimbiya Assadatu

Artabu

Gumu

Tunga

Bajakadiya'(Ýar Mai ganye)

Sihirtacciya

Yahudu Badda Musulmi

Tsibirin Bamuda

Yakau

Sirrin Aure da Maáurata A Muslunci

Duniyar Maáurata A Muslunci

Ku Tambayeni Kafin Ku Rasa Ni

Kuriá

Hukunce-Hukuncen Jinin Haila

Hassada da Maganinta A Muslunci

Kissoshin Ahlul Baiti

ZAHARADDEEN IBRAHIM KALLAH

2009-02-20T03:06:00.003-09:00

Zaharaddeen Ibrahim Kallah ya yi digirinsa a kan ilimin zamantakewar dan Adam da kuma siyasa. Marubuci ne da yake rubutu a harsuna guda biyu, hausa da turanci. Ya taba lashe gasar rubutun waka ta turanci ta duniya a shekara ta 2004, da Negerian.Biz suka shirya. Yana daga cikin shugabanni gudanarwa na ANA. A hali yanzu yana aiki da Strategic Planning a Jami’ar Bayero ta Kano. Ya rubuta littafin Karkon Dabino sannan ya fito a littafai na gamayya da suka hada da Five hundred Nigerian poets, da Mazan Fara. Littafansa da suke hanyar fitowa sun hada da So ko Wahala da Usman Mai duniya da Lokaci Bako ne da Love in Mayuwandu tare da The Right Choice.

AISHA ZAKARI

2008-12-05T14:07:00.004-09:00

Aisha Zakari 'yar asalin Hadejia, fitacciyar marubuciya ce, kodayake ta fi karfi a rubutun turanci daga baya ta fara rubutun Hausa. Ta samu digirinta na farko a fanning Labarin Kasa (Geography) daga Jamiár Bayero ta Kano kuma tana cikin wadanda suka rubuta wani wasan kwaikwayo na gidan Radiyon BBC watau Gatanan Gatananku ta kuma rubuta waken turanci da dama wadanda aka buga a litattafai da kuma gidajen yana. Ta taba zama Magatakardar Kudi ta Kungiyar Marubuta ta Nijeriya (ANA) ta Kasa kuma ta rike mukamai a ANA Kano da dama hard a na Mataimakiyar Shugaba. Aisha Fellow ce ta Leadership Development Mechanism (LDM Fellow) kuma tana daya daga cikin hazikan matasa da suka taimakawa adabin Hausawa da Hausawa kuma a halin yanzu tana zaune da mijinta a Amurka inda take ci gaba da karatu.
Littafinta da ta rubuta ko ta fito a ciki sun hada da:
Himma Ba Ta Ga Raggo
Verses in Absentia Poetry of Aisha Usman Bugaje (Coeditor)
Pregnant Skies: Anthology of 50 Nigerian Poets
Mazan Fara: ANA Zamfara Anthology of Poems and Short Stories

NURA ADO GEZAWA

2008-10-07T15:23:00.002-08:00

An haifi Nuraddeen Gezawa (SALMAN NHUR) a ranar lahdi shabiyu ga watan janairun shekarar 1980 miladiyya, wadda ta zo daidai da ashirin da hudu ga watan safar na shekarar 1400 hijiriyya. An haife shi ne cikin garin Gezawa na karamar hukumar Gezawa ta jihar Kano a tarayyar Najeriya. Ya fara karatunsa na muhammadiyya da na boko (firamare da karamar sakandare) a cikin garin na Gezawa, daga shekarar 1986 zuwa 1994. Daga nan sai ya cigaba da karatunsa na babbar sakandare a makarantar kimiyya ta Dawakin Tofa daga shekarar 1994 zuwa 1997. Nuraddeen ya yi aiki da bangaren lafiya na sakatariyar karamar hukumar Gezawa, inda ya koma karatunsa na share fagen shiga Jami'a a C.A.S ta Kano, a shekara ta 2000. Daga nan sai Nuraddeen ya zarce zuwa Jami'ar Usmanu Danfodiyo dake Sokoto a shekara ta 2001. Ko da yake dai hikima ta Ubangiji ta sanya bai samu damar ko da cin karfin karatun a Jami'ar ta Sokoto ba, saboda matsalolin da suka tilasta masa daukar hutun dole.

Nuraddeen ya fara daukar biro ya dora a kan takarda da sunan rubuta littafi a shekarar 1994, kuma littafin farko da ya fara hattama rubutawa shine AN YI TSALLEN... amma littafin da ya fara fitarwa shine RUMBUN TUNANI. Nuraddeen ya yi rubuce-rubucen kirkirarrun labarai da dama, daga cikin su akwai BAKIN RIJIYA wanda ma'aikatar ilimi ta K.E.R.D ta tace a takarda mai taken K.E.R.D/PROP/22/T/V.I/31, tacewar da ta yi sanadiyyar sayen littafin da ma'aikatar ilimi, da ma'aikatar ilimin firamare suka saya.

Kirkirarrun littafan da Nuraddeen ya rubuta sun hadar da;
Rumbun Tunani, Ba Zama, Bakin Rijiya, Laifi Inuwa, Tokar Danasani, An Yi Tsallen, Rai Dangin Goro (Taskata) Gyara Kayanka, Tsaftataccen Mahaukaci, Ba shiga JIrgin Ba, Ramin Kura, da kuma Abu Kamar Wasa.

Haka nan kasancewar Nuraddeen cikakken dan kungiyar ANA reshen jihar Kano, ya gabatar da gajerun labarai a taron ANA da ake yi duk watan duniya, wasu daga ciki sun hadar da; BAKIN DARE, KOWANE GAUTA, UNGULU DA KAN ZABUWA, SAI DA RUWAN CIKI.., SAGAU, GARIN NEMAN GIRA, DA SIRADIN RUBUTU.

Dadin dadawa, Nuraddeen ya yi wakoki da suka hadar da Rubdugu, Kyawun hali, Shugaban Kowa, Kin wanda Ya Rasa da Tarnakin Bakar Rayuwa.

A fagen addinin Musulunci, Nuraddeen ya rubuta littafai kamar haka; Sabani A Duniyar Musulunci da kuma Rudanin Rayuwa Da Musulunci.

Nuraddeen, har ila yau, ya yi rubutun gajerun labaran turanci da suka zama cikin shafuffukan yanar gizon Helium, wadanda suka hadar da My True Colours, The World of Hate, Brave Or Coward?

A halin yanzu Nuraddeen yana daf da komawa don karasa karatun digirinsa na farko. kuma bai yi aure ba ballantana a je ga batun iyali. Babban abin da ya ke burgeshi shine kokarin da aka yi don kyautata rayuwar da tarnakin rayuwa ya cukwikwiye.
Za a iya tuntubar da Nuraddeen Gezawa ta wadannan hanyoyi;
salmannhur@yahoo.com, 07028821493, 08077879218.

BARKA DA SALLAH

2008-09-28T14:55:00.002-08:00

Da fatan kowa ya yi sallah lafiya. Allah ya ba mu ladan azumi ya kuma maimaita mana mu ga ta badin badadadadada... amin summa amin.

ZAKARIYA MUHAMMAD SARKI

2008-09-28T13:54:00.001-08:00

An haifi Zakariyya Muhammad Sarki, a garin Kazaure ta Jihar Jigawa a shekarar 1976. Bayan karatun Muhammadiya, ya yi karatun Firamare da na karamar Sikandire a Kudu Central Primary da kuma Sikandiren Gwamnati da ke Kazaure a in da ya kamala a shekarar 1991. A lokacin ne kuma sha’awar rubuce-rubuce da karance-karance musamman na marubuta hausawa ya fara shiga zuciyarsa. Wannan ya sa ya zama mafi iya karatun littafi a cikin yan’uwansa dalibai. Duk da dai ba zai iya tuna labari daya da ya taba rubutawa ba a wancan lokaci, ya ‘saukewa’ yan ajinsu na firamare da na sikandire littatafai na Hausa irin su Magana Jari Ce, Iliya Dan Maikarfi, Da’u Fataken Dare, Dare Daya da dai sauran irin su sau bila adadin.Ya kamala karatun Sikandirensa a Sikandiren kimiyya ta gwamnati da ke Kafin Hausa a Jihar Jigawa a shekarar 1994. Ya samu shiga Makarantar Nazarin Addinin Musulunci da Shari’a ta Malam Aminu Kano (Legal), a nan ya samu shedar Diploma a kan Shari’a (Law) a shekarar 2003. Daganan ya wuce zuwa Jami’ar Bayero da ke Kano in da ya samu shedar samun Digiri na farko a fannin ilimin halayya da zamantakewar al’umma, (Sociology).. A yanzu haka kuma yana kan fara karatun Digirinsa na biyu a sabon zangon Karatu mai zuwa (2008/2009) a Jami’ar Bayero da ke Kano.

Zakariyya ya taba aikin kamfani a Kano da Legas a tsakanin shekarun 1995 zuwa 1999. Aikin da ya yi a Legas ya ba shi damar yin rubuce-rubuce a wasu fitattun jaridu na Kudancin Nijeriya kamar ‘The Punch’, ‘The Post Express’ da dai sauran irinsu. Haka kuma Zakariyya ya taba zama babban wakili (Bureau Chief) na Legas na kamfanin jaridar ‘The Shield Weekly’ da kuma Garkuwa da ke Kano. Ya taba zama wakilin Mujallar Fim a Kano. Hakanan kuma Marubuci na Musamman ga tsohuwar Mujallar ‘Mumtaz’ ta shahararren marubucin nan Ado Ahmad Gidan Dabino.

Zakariyya ya rubuta littattafai da kuma wakoki kirkirarru masu dama sai dai kuma ba’a taba buga ko daya daga ciki ba saboda wani shiri da yake da shi nan gaba (a shekarar 2009). Duk da haka a shekarar 2005 an juya littafinsa mai suna “Wuta a Masaka” zuwa fim mai taken “Wahami”, wanda darakta Ado Gidan Dabino ya bada Umarni. Zakariyya memba ne na Kungiyar Marubuta ta Nijeriya (ANA) reshen Jihar Kano. Ya na da mata da ya’ya biyu, kuma yanzu yana zaune a Kano.

Za a iya ziyartar blog din shi mai adireshi kamar haka http://www.zakariyyasarki.blogspot.com/
Ko kuma adireshin email : zakariyyasarki2005@yahoo.co.uk, zakariyyasarki@ymail.com
Lambobin Waya : 080-24388438, 064-893104, 064-317582.

** Mun buga wannan marubuci duk da cewa bai taba fidda littafi ba, bisa dalilai biyu, na farko dai mu kara masa kwarin gwiwa na biyu kuma tinda suna cikin na farko da suka turo ya samu wannan loto.

MARYAM ALI ALI

2008-09-19T04:37:00.002-08:00

Wanda ya dauki hoto: Muhammad Sango II

RABI TALLE MAIFATA

2008-09-19T04:37:00.000-08:00

BASHIR YAHUZA MALUMFASHI

2008-09-11T14:05:00.004-08:00

An haifi Bashir Yahuza Malumfashi a ranar 15 ga watan Mayu na shekarar 1967 a garin Malumfashi, Jihar Katsina. Ya yi karatun firamare a Tunau Primary School, Unguwar Sodangi, Malumfashi, daga 1973 zuwa 1980. Daga nan ya wuce zuwa Government Day Secondary School, Malumfashi, daga 1981 zuwa 1986. Ya samu zuwa Kwalejin Share Fagen Shiga Jami'a (CAS, Zaria), daga shekarar 1987 zuwa 1989. Bai ci gaba da karatu ba saboda matsalar rashin lafiya da ta same shi, amma daga bisani ya shiga Kwalejin Horar da Jami'an 'Yan Sanda ta Kaduna (Police College, Kaduna), inda ya samu horo kan aikin 'yan sanda. Ya yi karatun Diploma a fannin Hikimar Koyar da Turanci (Diploma in Language Education, English) a Kwalejin Kimiyya da Fasaha ta Hassan Usman Katsina. Haka kuma ya yi karatun Diploma kan ilimin sarrafa kalmomi (Diploma in Computer Data Processing) a wata makarantar Kwamfuta mai zaman kanta. Ya halarci kwasa-kwasai da tarukan kara wa juna ilimi a fannoni da dama. Ya fara aikin 'yan sanda ne a garin Dutsin-ma, Jihar Katsina, inda daga nan ya koma Kurfi, duk dai a Jihar Katsina. Daga bisani aka sake yi masa canjin wurin aiki zuwa Funtua, duk dai a Jihar Katsina. Ya samu canjin wurin aiki daga Funtua, aka mayar da ni zuwa Katsina. Daga nan ne aka mayar da shi aiki zuwa Abuja, inda na yi aiki a Babban Ofishin Binciken Laifuffuka na Hukumar 'Yan Sanda ta Kasa (Force Criminal Investigation Department), Area 10, Abuja. Mafi yawan aikinsa na 'yan sanda, ya yi shi ne a bangaren binciken laifuffuka da neman labarin sirri. A shekarar 2005 ne ya yi ritaya daga aikin 'yan sanda, bayan ya shafe shekaru 17 a kan aiki ke nan.

Ta bangaren harkar rubuce-rubuce kuwa, dama can shi mai sha'awar karance-karance da rubuce-rubuce ne. Ya fara rubutu tun yana aji uku a sakandare (1983), inda ya rubuta littafina na farko wanda ba a buga ba har yanzu. Sunan littafin Bak'i Da Fari, amma an karanta shi a Gidan Rediyon Nijeriya na Kaduna, a filinsu na Shafa Labari Shuni. Daga nan ya ci gaba da rubuce-rubuce, ana bugawa a jaridun Hausa da na Turanci, musamman ma Gaskiya Ta Fi Kwabo, Nasiha, Almizan, Katsina News Week, New Nigerian, Weekly Trust, da sauransu. Littafinsa na farko da aka buga kuma ya fito kasuwa shi ne Babban Tarko, wanda ya fito a cikin shekarar 1997. Sai kuma na biyu mai suna Bak'in Kishi, wanda ya fito kasuwa a shekarar 2003. Yakan rubuta wakoki na Hausa da na Turanci, wadanda ake yawan bugawa a jaridu. Littafina da ke kan hanyar fitowa, shi ne Zinatu Matar Gwamna, wanda aka dade ana tsakura shi a cikin jaridar Aminiya.

A tarihin rubuce-rubuce, ya shiga gasar rubutu da dama, inda a shekarar 1995 da 1996 na samu kyaututtuka daga gidan rediyon Muryar Nijeriya, Lagos, a sakamakon zuwa na biyu da mukalolina suka a yi a shekarun na jere. A 2004 ma ya samu nasarar zuwa na daya a gasar rubuta labarai da gidan rediyon BBC suka sanya, mai taken Labarina.

Bayan ya yi ritaya daga aiki 'yan sanda a shekarar 2005, sai ya fada aikin jarida, inda ya ci gaba da aiki da Mujallar Fim, wacce dama na dade yana aika masu rubuce-rubuce tun daga fitowarta. Ya rike mukamin Manajan Edita na mujallar, inda ya zauna Kano. Daga baya ya koma Kaduna, inda ya fara aiki da jaridar Turanci mai suna Public Agenda, a matsayin Editan Shafukan Adabi. A cikin shekarar 2006 ne ya bar wannan jarida, ya koma aiki a kamfanin Media Trust Limited, masu wallafa jaridun Daily Trust, Weekly Trust, Sunday Trust da kuma Aminiya. A jaridar Aminiya nake, inda shi ne Editan Shafukan Adabi da Nishadi na jaridar, duk da cewa yakan taimaka da rahotanni ga sauran jaridun Turanci na kamfanin, daga lokaci zuwa lokaci.
A halin yanzu, yana da aure da 'ya'yaye. Babban burinsa a duniya shi ne, na son ya ga harshen Hausa ya bunkasa, ya zama babba a duniya; kamar kuma yadda yake son ganin cewa ya zama babban marubuci, don ba da gudunmowata ga al'umma.

Littattafansa na Hausa da suka fito sune:

1- Babban Tarko - 1997.
2- Bakin Kishi - 2003

http://us.f431.mail.yahoo.com/ym/Compose?To=byahuza03@yahoo.com
GSM: 08020968758, 08065576011.

MUHAMMAD LAWAL BARISTA

2008-09-09T13:01:00.002-08:00

Muhammad Lawal Barista, Sakataren Kungiyar Inuwar Marubuta watau HAF sanannen marubuci ne kuma dan jarida wanda a halin yanzu yana karatu a Sashen Koyar da Harsunan Nijeriya na J amiár Bayero ta Kano. Mamba ne kuma na ANA Kano. Litattafansa na Hausa da aka buga sune:
Sakon Mutuwa
Makahon So
Buduri
Bakin Kishi
A Dalilin Talla…
TA Cuce Ni
Karshen So
Matan Zamani
Kasafi

SA'ADATU BABA AHMAD

2008-09-09T12:46:00.001-08:00

Sa’adatau Baba Ahmad wadda makaranta suke fi sani da Ýar babanta na daya daga cikin fitattun marubuta mata na zamani. A halin yanzu tana karatun digiri na farko a jamiár Bayero ta Kano kuma jamiá ce a Kungiyar ANA Kano da kuma Hausa Authors Forum (HAF). Jerin litattafanta na Hausa da suke fito sune:

Wahala Siradin Rayuwa 1, 2
Yi Wa kai 1,2
Taka Tsantsan da Maza 1,2
Baram-Baram 1,2,3
Kishiya Ba Laifi Ba Ce 1,2,3
Rabon Bawa da Arziki
Mu Kame Kanmu
Auren Yanzu 1,2
Ban Karya Alkawari Ba 1,2,3
Zawaran Zamani 1,2,3
Kaddara ko Kishi 1,2
Birni da Kauye 1,2
Kantafi
Hasken Rana 1,2,3
Sirrin Zuciyata 1,2
Mutuwar Tsaye
Sallamar Bankwana
Zuciyar Kauna
Duhun Dare
Gudun Talauci

MAWALLAFA WAKOKIN HAUSA

2008-09-08T12:34:00.003-08:00

Wannan jerin sunaye na marubutan wake na Hausa na dauko shi ne daga cikin mashahurin litattafin nan na Marigayi Ibrahim Yaro Yahaya ne watau HAUSA A RUBUCE. Allah ya jikan Farfesa Ibrahim Yaro Yahaya amin.

Marubuta daga yankin Sakkwato

1. Wazirin Gwandu Alhaji Umaru Nasarawa
2. A Maikudu Gidadawa
3. M. Abubakar Maikaturu
4. Alkali Alhaji Bello Gidadawa
5. Alhaji Shehu Shagari
6. Alkali A. Umaru Alkanci
7. Malam Bello Alkanci
8. Malam Mahe Hubbare
9. Alhaji Yusufu Kantu
10. Alhaji Sambo Wali
11. Malam Khalilu Marinar Tsamiya
12. Malam Maharazu Kwasare
13. Alhaji Sa’adu Usman Zuru
14. Sarkin Baura Umaru
15. Alhaji Garba Gwandu
16. Alhaji Mazuga
17. Alhaji Audu Gwandu
18. Alhaji Muhammad Mahe Kambarawa
19. Alhaji Alhaji Dogon Daji
20. Alhaji Umaru Birnin Kebbi
21. Alhaji (Dr) Waziri Junaidu
22. M Buharin Liman an Wuri
23. M. Muhammad Tambari Kubuda
24. M Abdulkadir Gidan Sa’i
25. Alkali Halliru Wurno
26. M Muhammad Dan Baddo Gwandu
27. Alhaji Mustafa Sabon Birni
28. Malam Usman Dan Goggo
29. Mallam Adamu Koko
30. Mallam Mande Abubakar B/kebbi
31. Mallam Audu Makaho
32. Mallam Umaru Gandu
33. Mallam Shehu Saraki
34. Alhaji Abubakar Koko
35 Alhaji Abdulrazak Yaldu

Marubuta daga yankin Kano
36. Malam Mu’azu Hadeja
37. Malam Shehu Nasiru Kabara
38. Alhaji Mudi Sipikin
39. Malam Aminu Kano
40. Alhaji Akilu Aliyu
41. Malam Liman Dan Amu
42. Malam Muhammadu Namaigangi Danbatta
43. Malam Ya’u Sitti
45. Alhaji Tijjani Tukur Yola
46. Alhaji Sunusi Danbaba
47. Alhaji Yusufu Abdullahi Bichi
48. Alhaji Baba Mai Gyada
49. Alhaji Na’ibi Sulaimanu Wali
50. Dr. Isa Hashim
51. Alhaji Yunusa Dayyabu Ibrahim
52. Alhaji Abdullahi Makarantar Lungu
53. Alhaji Ibrahim Yaro Muhammad
54. Alhaji Lawan Mai Turare
55. Mallam Balarabe Kurawa
56. Mallam Hamisu Yadudu
57. Mallam Muhammadu Na sani Umai
58. Mallam Muhammadu Bashir Sai’du Yan Tandu
59. Abubakar Dangani Bakin Ruwa
60. A.Ibrahim Tijjani Dukawa
61. A.Aminu Babangida Yalwa
62. Mallam Muhammadu Zaiyanu
63. Ali Usudu Tudun Makera
64. Malam Wada Hamza
65. Alhaji Rabiu Ahmadu Na Shehu
66. Alhaji Ahmadu Tireda Kabawa
67. Mallam Muhammad Dan Jinjiri Mai Adu’a
68. Alhaji Shehu Mu’azu Galadiman Kano
69. Alhaji Adamu Na Ma’aji
70. Alhaji Yusufu Adamu Galadanchi
71. Alhaji Auwalu Sheshi
72. Alhaji Sani Farisa
73. Alhaji Bala Yandoya
74. Ahaji Amadi Yaro
75. Alhaji Nasiru Jikan Sarkin Agadasawa
76. A.Muhammadu Sadisu Sagagi
77. A.Adamu Jingau
78. A.Adamu Sandalo Sudawa
79. A Kabiru Inuwa Magoga
80. Hajiya Hauwa Gwaram
81. Hajiya Rukayyatu Sabuwa
82. A.Hassan Babaru Lollokin Lemo
83. A.Ibrahim Katala
84. A.Ahmadu Danmatawalle
85. A. Sharifi Tijjani
86. A.Sule B/K Zaria
87. A.Sagir Usman B/Ruwa
88. M.Aminuddeen Abubakar
89. Alhaji Aliyu Abdulkadir Zango

Marubuta daga yankin Zaria
89. Sarkin Zazzau Alu Dan Sidi
90. Alhaji (Dr.) Aliyu Namangi
91. Alhaji (Dr.) Abubakar Imam
92. Alhaji Abubakar Ladan
93. M Muhammad Balarabe Umar
94. M. Garba Likoro
95. Malam Lawan na Cediyar Karauka Mai Ra’iyya
96. A. Talle Yahaya
97. M Garban Garba Zaria
98. M. Sarki Aliyu Dini
99. A Ladan Na Sharaihu
100. M. Almu Layin T/Wada Zaria
101. M Yahaya Dikko

Marubuta daga yankin Katsina
102. A. Audu Sandada
103. A. Shehu Mai Gidaje
104. A Muhammadu Anda Na Garba ABCD
105. A. Hassan Nagogo
106. A. Muhammmadu Sani Jari Dangani
107. A. Muhammadu Makari

Marubuta daga yankin Bauchi
108. M. Sa’adu Zungur
109. Limamin Bauchi A Ahmadu
110. Shehu Malam Dahiru Usman
111. A. Hassan Kosasshe112. A. Dahiru Musa Jahun Bauchi

Marubuta daga yankin Kaduna
113. A Abubakar Mahmadu Gumi
114. A. Hassan Idris Kusada
115. A. Abdullahi Zakari Kwara
116. A. Garba ABCD

Marubuta daga yankin Jos
117. A. Gambo Hawaja
118. A. Lawan Taura
119. A. Inuwa Alin Iliya

Marubuta daga sauran wurare
120. A. Shehu Adamu Kontagora
121. A. Salihu Kontagora
122. A. Garba Jikan Hinde Gashuwa
123. M. Mamuda Akilu Aliyu Nguru
124. A. Hamidu Zailani Yola
125. A. Danlami Limamin Agege
126. A. garba Affa Azare
127. A. Aminu Balarabe Gusau

Ina godiya ga Muhammad Yusuf da Hauwa Hassan Ismaíl wadanda suka taimaka wurin sake juyar mun wadannan sunaye.

BALARABA RAMAT YAKUBU

2008-09-08T08:59:00.005-08:00

An haifi Balaraba Ramat Yakubu a Birnin Kano a shekarar 1958. Bayan neman ilminta na Islamiyya da na Boko daga shekarar 1962 zuwa 1980, Balaraba Ramat ta tsunduma wurin rubuce-rubuce masu koyar da zaman duniya da tunatarwa ga jamaá. A halin yanzu ita ce shugaba daraktar gudanarwa ta kamfanin Ramat General Enterprises da Mukaddas Nigeria Limited da kuma Ramat Productions Limited. Ta rike mukamai a kungiyoyin marubuta da dama, it ace mataimakiyar shugabar Raina Kama Writers Association, ta taba rike mukamin ma’aji a Kungiyar Marubuta ta Nijeriya reshen Jihar Kano (ANA Kano). A halin yanzu it ace shugabar Kallabi Writers Association. A halin yanzu tana da ýaýa biyar da jikoki uku, kuma ta rubuta litattafai har guda tara. Hajiya Balaraba ta samu kyaututtuka akan rubuce-rubucenta kamar kyautar taron Marubuta na Arewacin Nieriya da kuma kyautar adabi ta Engineer Kazaure. Bayan wannan masana na gida da wajen Nijeriya sun yi nazarce-nazarce da dama akan rubuce rubucenta. Kuma ta yi fice a Littattafanta sun hada da:

Budurwar Zuciya (1987)
Wa Zai Auri Jahila (1990)
Alhaki Kwikuyo
Badariyya
Wane Kare ne ba bare ba?
Matar Uba Jaraba
Ilmin Gishirin Zamani
Ina Sonsa Haka
Kyakkyawar Rayuwa

HADI ABDULLAHI ALKANCI

2008-09-08T08:55:00.003-08:00

Fitaccen marubucin Wasan Kwaikwayo na Hausa Hadi Abdullahi Alkanci, an haife shi ranar 1 ga janairu 1957 at Alkanci, Birnin Sakkwato. Ya yi karatu a Kofar Marke Nizzamiyya school (yanzu ana cewa makarantar Alhaji Alhaji Model Primary School, Sokoto). A shekarar 1973 ya tafi Sultan Abubakar College Sokoto, inda y agama da Grade II Teacher a 1977. Ya yi aiki a sashen Ilmi na Karamar Hukumar Sakkwato, ya koyar a Army Children School Sokoto daga 1977-78. Daga nan ya tafi Staff Training Centre (yanzu College of Administration, Sokoto) inda ya yi satifiket kan Fassaradaga 1978-79. Ya yi aiki a Rima Radio Sokoto daga nan ya yi ritaya ya fara kasuwanci, a wannan lokaci ya tan tabawa N.T.A Lagos, aiki inda yak e gabatar da wani shiri mai suna "WAZOBIA" ya kuma dan taba aikin karatun labarum duniya duk daga 1981-82. Ya zama daya daga cikin manyan daraktocin ALKANCI ENTERPRISE. A wannan lokaci ya samu damar ziyartar kasashen duniya da dama. A shekarar 1986 ne ya bar harkar kasuwanci ya dawo ya dukufa wurin harkar rubutu da aikin jarida. Malam hadi Alkanci ya gabatar da makalu iri daban daban a tarurruka na marubuta da adabi a jamióí daban da ban na kasar nan kuma fitaccen marubucin wasan kwaikwayo ne na Hausa. A shekarar 1981 ne aka buga littafinsa na farko mai suna Soyayya Ta Fi Kudi wanda sashen aládu na Maáikatar Aládu ta tarayya ta buga. Ya rubuta littattafai da dama wasu daga cikinsu sun hada da:

Soyayya Ta Fi Kudi (Wasan Kwaikwayo)

Harsashin Kasa

Karatun A cikkin Hotona 1

Shin So Gaskiya Ne?

Zaben Allah

Jagora Ga Mai Aikin Hajji

Bayansu akwai litattafai da dama day a rubuta wadanda ba a buga ba. Mamba ne na ANA Sokoto. Malam Hadi ya bada gdunmuwa sosai wurin habaka adabin Hausa musamman a Sakkwato kuma duk wanda ya sanshi a sakkwato a yau to a marubuci ya san shi. A halin yanzu shi n eke buga mujallar Sahihiya a Sakkwato.

Sakwannin Ba da Kwarin Gwiwa

2008-09-07T16:23:00.005-08:00

Wadannan sakwanni ne na ba da kwarin gwiwa da na fara samu daga marubuta da makaranta. Na ji dadinsu kuna ina fatan wannan ya zama alama ta irin goyon bayan da wannan aiki zai samu. Ba aika na ne ni kadai ba, aikinmu ne gaba daya kuma muna rokon kowa ya ba da gudunmuwarsa.

“Salam, Madalla da wannan gagarimin aiki naka,Allah ya saka da alheri amadadin marubuta,duk da dai mu 'yan kallo ne amma abin yayi dai dai.da fatan za'a sha ruwa lafiya amin
Daga Sunusi Bature Dawakin Tofa,Freedom (FM) Kano

“Tare da sallama. Malam barka da wannan gagarumin kokari, sai dai mu ce (marubuta) Allah ya saka da alkairi. Tambaya daya ce, shin ba za a iya shiga cikin dandalin kai tsaye ba, a aika da sakon? Kuma shafin ya tsaya ne a iya tarihin marubuta, ko kuma akwai wasu bayanai na al'amuran yau da kullum da suka shafe.Da fatan an sha ruwa lafiya, Allah ya ba mu lada da falolin da ke cikin wannan wata mai alfarma, amin summa amin.,
Daga Kabir Anka

"Wannan ba karamin kokari ka yi ba don adana tarihi da hotunan mutane masu basira da fasaha a waje daya yadda masu bincike za su sami sauken tattara bayanan da suke nema game da marubutan ba. Allah ya yi jagora, amin”.
Daga Ado Ahmad Gidan Dabino

“Assalamu Alaikum, Ranka Ya Dade!!! Barka da wannan babban kokari, hakika wannan aiki ne wanda ya kasance abin yabawa da kuma jinjinawa a gareka, domin samun irin ka a cikin al’umma ba su da yawa. Ka kawo wani babban ci gaba wanda ba a taba samun irin sa ba, sannan kuma ka kawo hanyar da duk duniya zata san Marubutan Adabi da kuma littattafan Adabi wanda a da sai wane da wane ne suke samun damar sanin su. Wannan wata hanya ce wacce su kansu Marubutan Adabi za su dage dantse wajen ganin sun inganta aikinsu kasancewar wannan wata babbar allura ce wacce ta fi ta sojoji sa kaimi da zagewa, tun da a halin yanzu duk duniya ce ta ke kallon su.

“A karshe kuma ina ganin ya kamata a rika hadawa da email din Marubuci, don wasu basu da blog wanda za a samu bayaninsu a ciki. Bayan haka, idan da hali ina ga ya kamata duk littafin da aka sa sunan sa to a bude masa shafi yadda idan har mai bincike yana bukatar karantawa zai iya karantawa ta cikin wannan fage. Jinjina mai yawa da wannan babban Jihadi, Allah Ya biya ka da gidan Aljannah. Da fatan Allah Ya sa ‘yan baya mu yi koyi!!!”

Daga Mohd Mohd Assadiq

“Masha Allah...muna nan tafe...Allah ya bar girma, mu ci gaba da samu daga fasaha da ilimunku.... A sha ruwa lafiya.”
Daga Umar Mannoter

Salam a gaskiya wannan abu ne da ya zama abin alfahari gare mu hausawa da ma harshen hausa, wannan na nuna mana cewa zuwa wani lokaci za a kara samun ci gaba a wannan harshe namu na hausa.mun godeDAG IBRAHIM YARO D/TOFA MEDIA TRUST LIMITED ABUJA[JARIDAR AMINYA]

AUWALU YUSUFU HAMZA

2008-09-07T15:09:00.007-08:00

An haifi Auwalu Yusufu Hamza a 1959 a Nguru Jihar Yobe, kodayake, iyayensa mutanen Utai ne cikin Karamar Hukumar Wudil, Jihar Kano. Ya yi karatunsa a Jamiár New York, Amurka inda ya yi digiri a fanning Nazarin Al’adu (Anthropology). Bayan ya dawo Nijeriya ya fara aiki a History and Culture Bureau ta Jihar Kano inda ya yi jagorar kafa ANA reshen jihar Kano. Ya bar History and Culture Bureau a 1997. Daga baya ya yi aiki a CRD watau Center for Research da Documentation Kano da kuma SLPG Dutse Jihar Jigawa. Shine jamiín da ya dage wajen tabbatar da cewa an samu reshen ANA a Kano lokaci yana aiki a HCB, kokarinsa ne ya jawo aka fara kafa ANA Kano a 1992, wadda ba ta je koína ba ta rushe, da aka sake kokarin sake kafa ta a 1995, ya bada gudunmuwa babba daga nan kuma ANA Kano ta ci gaba da wanzuwa har yau. Ya taba zama Shugaban ANA Kano daga 1998-2000. Saboda tsarin ayyukansa ya samu zagayawa kauyukan arewancin arewar Nijeriya kuma rubuce-rubucensa na nuni da yadda rayuwa take a kauyukan kasar Hausa. Yana rubutu da Hausa da kuma Turanci.

Litattafansa na Hausa sune:
Gidan Haya
‘Yarkwatano

Littattafansa na Turanci sune:
Love Path
A Question of Marriage
Open Courts
Citizens Parade

ADO AHMAD GIDAN DABINO

2008-09-07T09:34:00.004-08:00

An haifi Ado Ahmad Gidan Dabino a Danbagina Karamar Hukumar Dawakin Kudu a shekarar 1964, ya yi karatun allo a Zangon Barebari. Bai samu damar yin karatun boko ba sai da ya kai shekara ashirin, sannan ya fara zuwa makarantar yaki da jahilci ta masallachi, watau makarantar da aka fi sani a Kano da makarantar Baban Ladi,daga nan ya yi karatun Sakandare a GSS Warure inda ya samu SSCE a 1990. Daga nan ya yi kwas na shekara guda akan karatun makafi da koyon aikin kafinta, A shekarar 2005 kuma ya sami diploma akan aikin sadarwa daga jamiár Bayero ta Kano. Ado Ahmad na daya daga cikin fitattun marubutan Hausa na zamani kuma littafinsa mai suna In da So da Kauna na daya daga cikin fitattun littattafan Hausa na kowane zamani. Ya rike mukamai da dama a Kungiyoyin marubuta, shi ne shugaban Kungiya Marubuta ta Raina Kama, ya taba zama Mataimakin shugabna ANA reshen Kano, ya zamar mata maáji kafin ya zama shugabanta tun 2006 zuwa yau. Ya taba zama Edita na FIM magazine kasancewar daya daga cikin wadanda suka kafata a 1999. Shi ne mawallafin Mumtaz kuma shugaba/daraktan gudanawarwa na Gidan Dabino International Nigeria Limited. Ya gabatar da makalu a manyan tarrurruka na karawa juna sani a jami'oí daban daban na Nijeriya. Dan wasan Hausa ne, dan jarida kuma mawallafi. Litattatafansa da suka fito sune:

In Da So da Kauna 1 da 2 (1991)
Hattara Dai Masoya 1 & 2, (1993)
Masoyan Zamani 1& 2, (1993)
Wani Hani Ga Allah 1 & 2, (1995)
Duniya Sai Sannu (1996)
Kaico (1997)
Sarkin Ban Kano (2004) tare da Sani Yusuf Ayagi

An fassara wasu dag cikin litattafansa kamar haka:

The Soul of My Heart (Translation of In Da so Da Kauna), (1994)
Nemesis (Translation of Masoyan Zamani) 1996

Ana iya samun Karin bayani game da rubuce-rubucensa a http://www.gidandabino.blogspot.com/

Email address: gidandabino@yahoo.com

YUSUF M. ADAMU

2008-09-05T10:36:00.007-08:00

Yusuf Muhammad Adamu wanda yanzu aka fi sani da Yusuf Adamu na daya daga cikin fitattun marubutan Hausa na zamani. An haife shi a Katsina a shekarar 1968. Ya yi karatun firamare a Giginyu Primary School Kano daga 1974-1980. Ya tafi Sakandaren Gwamnati ta Koko cikin Jihar Kebbi daga 1980-1983 daga nan ya wuce Sakandaren Kimiyya ta Gwamnati dake Zuru jihar Kebbi daga 1983-1985. A nan ne, ya fara rubuta littafinsa na farko watau Maza Gumbar Dutse. Ya samu shiga jamiár Usmanu Danfodiyo Sakkwato daga 1985-1990 inda ya samu digirinsa na farko a fanning Labarin Kasa (BSc Geography). A Jami’ar sakkwato ya rike mukamin Babban Magatarka na Kungiyar Hausa kuma Wazirin Sarkin Hausawa. Ya yi hidimar kasa (NYSC) a Dutsin Ma, inda ya koyar da Geography a Government Science Secondary School Dutsin Ma. A 1994 kuma ya samu digirinsa na biyu daga Jami’ar Ibadan. Ya fara aiki a Jamiár bayero ta Kano a 1995. A shekara ta 2004 kuma ya samu digirinsa na uku watau PhD a Geography. Yak ware ne a fanning Medical Geography. Yana da shaáwar gudanar da nazarce-nazarce akan lafiyar mata, kiwon lafiya, adabin Hausa na zamani da kuma fadadar birane.

Dk. Yusuf Adamu ya rike mukamai da dama a Kungiyoyin Marubuta. Ya taba zama shugaban Kungiyar Matasa Marubuta, ya kuma rike mukamin Magatakarda a Kungiyar Marubuta ta Nijeriya (ANA) reshen jihar Kano daga 1995-2000. Daga 2000-2006 ya zama Shugaban ANA Kano. Ya kuma taba zaman dan majalisar gudanawar na ANA ta kasa daga 1997-2001. Yana rubutu a harshen Hausa da kuma Turanci.

Litattafansa na Hausa na kirkira da aka buga sune:

Idan So Cuta Ne (1989)
Ummul-khairi (1995)
Maza Gumbar Dutse (2007)

Sauran litttafansa na Hausa (na kirkira) da ya gama amma ba a buga ba sun hada da:

Dukan Ruwa (1988)
Son Zuciya Bacinta (1989) Wasan Kwaikwayo
Gumakan Zamani (1992)
Zainab (yana kan aiki a kansa)

Littattafansa na Turanci kuma wadanda aka buga sune:

Butterfly and other poems (1995)

My first book of rhymes (1998)

Litters (2000)

Pregnant Skies: Anthology of 50 Nigerian poets (2003)

Landscapes of Reality (2007)

Animals in the Neighbourhood (2007)

Mazan Fara: ANA Zamfara Anthology (2008)

Kwaryar Kira (ANA Kano Hausa Anthology) tare da Ado Ahmad Gidan Dabino (2010)

Litattafan Ilmi da ya tace (co-editor)

Inequality in Nigeria: A Multidisciplinary Perspective (2003) tare da M.B. Shitu

Hausa Home Videos: Technology, Economy and Society (2003) tare da A.U. Adamu da U.F. Jibril

Corporate Survival, Competitiveness and Consumer Satisfaction in Nigerian Industries (2005) tare da M.S. Sagagi

Readings in Social Science Research (2006) tare da Habu Muhammed da K.I. Dandago

Introduction to Social Sciences (2008) tare da M.A. Yusuf da A.A. Adepoju

Email addresses: yusufadamu2000@yahoo.com /yusufadamu@gmail.com

JERIN SUNAYEN MARUBUTA HAUSA (MATA)

2008-09-05T07:16:00.005-08:00

Wannnan jerin sunayen marubutan Hausa ne mata. Shi ma wannan somin tabi ne, muna fatan mu ci gaba da sa sunayen sauran marubuta. Duk wanda ya ga cewa a kwai sunan marubuciyar da ba a saba don Allah ya tuntube mu. Mun gode kwarai.

Aishah Abdulhameed
Aisha Zakari
amina Hassan Abdullahi
Balaraba Ramat Yakubu
Bilkisu Baban Dede
Bilkisu Funtua
Bilkisu Yusuf Ali
Fatima Sulaiman Gunya
Fauziyya Danladi Sulaiman
Habiba Imam Ikara
Hadiza Alfa Mohd
Hadiza Abdullahi
Hadiza Nuhu Gudaji
Hadiza Salisu Sharif
Hadiza Sani Garba
Hafsatu Ahmad Abdulwahid
Halima Yusif Ali
Hauwa Hassan
Jamila Abdullahi R/Lemo
Kilima Abba Siri-siri
Lubaba Ya'u
maimuna I.Y. Yahaya
Maryam Ali Ali
Maryam Kabir Mashi
Nafisa Muda Lawal
Rabiá tu Fagge
Rabi Talle Maifata
Rabi Yusuf Yakasai
Rahama Majid
Saádatu Baba Ahmad
Saliha Abdullahi
Talatu Wada Ahmed
Sadiya Garba Yakasai
Umma Sulaiman Ýan Awaki
Umma Aliyu Musa
Zainab Auwal
Zainab Kabir Biroman
Zuwaira Isa

JERIN SUNAYEN MARUBUTAN HAUSA (MAZA)

2008-09-05T07:10:00.006-08:00

Wannan jeri ne na marubutan Hausa maza. Jerin ya hada da marubuta na da da na yanzu, kuma ya hada da masu rubutun zube da na wasan kwaikwayo da wake. Wannan jeri bai hada kowa da kowa ba, za mu ci gaba da inganta shi lokaci zuwa lokaci. In wani ya ga cewa akwai marubucin da ya sani ba a sa shi ba to ya tuntube mu. Mun gode kwarai.

Abdulkadir Dangambo
Abdullahi Muktar Yaron malam
Abubakar Imam
Abubakar Tafawa Balewa
Abubakar Tunau Mafara
Adamu Muhammed
Ado Ahmad Gidan Dabino
Ahamd Muhammad Zaharaddeen
Ahmadu Ingawa
Ahmed Sabir
Akilu Aliyu
Ali Aliyu Abubakar
Aminu Hassan Yakasai
Aminu Salisu
Aminuddeen Ladan Abubakar (ALA)
Auwalu Yusufu Hamza
Bala Anas Babinlata
Balarabe Yakasai
Bashari Farouk Roukbah
Bashir Sanda Gusau
Bashir Yahuza Malumfashi
Bature Gagare
Dan Azumi Baba C/Ýan Gurasa
Danjuma Katsina
Hadi Abdullahi Alkanci
Haidara Aliyu
Hamisu Bature
Ibrahim Hamza Abdullahi Bichi
Ibrahim Malumfashi
Ibrahim Sheme
Ibrahim Yaro Muhammad
Ibrahim Yaro Yahaya
Idris S Imam
Iliyasu Umar (Maikudi)
Kabir Assada
Kabiru Sulaiman Yakasai
Kabiru Yusuf Ankah
Kubra Abdullahi
Magaji Dambatta
Magaji Lawan Shitu
Maigari Ahmed Bichi
Maje El-Hajeej
Malam Aminu Kano
Muázu Hadejia
Mudi Sipikin
Muhammad Lawan Barista
Muhammad Usman
Munir Mamman
Nasiru G Ahmed ‘Yan Awaki
Nazir Adam Salih
Nura Ahmad
Nura Azara
Saádu Zungur
Sadi Mandawari
Salihu Kontagora
Salisu Maiunguwa D/Iya
Sulaiman Ibrahim Katsina
Umaru Dembo
Umaru Isa Galadanchi
Yushaú Muhammed
Yusuf Lawan Gwazaye
Yusuf M Adamu
Yusuf Shehu
Zaharaddeen Ibrahim Kallah

2008-09-04T13:05:00.002-08:00

Wannan hoton Marubuci Dk. Yusuf Adamu ne tare da Manazarci Farfesa Abdalla Uba Adamu a Maradi, Jamhuriyar Nijar.

SANARWAR BUDEWA

2008-09-04T11:47:00.002-08:00

Ina farin cikin samar da wannan dandali na Marubutan Hausa. Kamar yadda aka nuna a sama, manufar wannan dandali shi ne a samar da bayanai da suka shafi tarihi da rayuwar Marubutan Hausa da rubuce-rubucensu. Saboda haka, zan yi amfani da wannan dama domin rokon Marubutan Hausa duk inda suke a duniya da su taimaka su aiko mun da tarihinsu da duk wani bayani da suke so duniya ta sani a game da su da kuma jerin sunayen littattafansu don bugawa. Za a iya aikowa da wadannan bayanai ta email dina watau yusufadamu2000@yahoo.com Ina rokon Marubuta su ba mu cikakken goyon baya. Na gode.

Dk. Yusuf M Adamu