Allah ya yi wa Abdullahi Muktar Yaron Malam rasuwa ranar Lahadi 17 ga Mayu 2009 da misalin sha biyu na rana, a dakin Karatu na Muratala Muhammad dake birnin Kano. Ya rasu ya bar mata daya da diya uku. Fitaccen marubuci, shugaban Brigade Authors Forum (BAF) kuma jami'i a Kungiyar Marubuta ta Nigeria (ANA) reshen Jihar Kano, Yaron Malam marubuci ne ingarma wanda ya bada muhimmiyar gudunmuwa wurin ci gaban adabin Hausa. Yaron Malam kuma mawallafi ne kuma mai sayar da littattafai. Mun yi babban rashi. Allah ya jikan Yaron Malam ya gafarta masa amin.
Dr Yusuf M Adamu
Shugaban ANA Kano
Dannan wannan rariyar likau don karanta takaitaccen tarihin Abdullahi Muktar Yaron Malam: http://marubutanhausa.blogspot.com/2009/02/abdullahi-mukhtar-yaron-malam.html
1 comment:
Allah ya gafarta masa yasa ya huta, yaron malam mutumin kirki ne na taba kawo masa littafi na ya mun gyara tun daga garin kaduna a shekarar 2007, na Sami tarba me kyau daga gare sa a Shagon sa da Ke Sabon gari kuma da na tashi tafiya Harda guzurin sabbin litattafan sa ya mun, bazan taba mantawa da shi ba Allah yasa aljanna ce makomar sa.
Post a Comment